"Manchester Siti" hujumchisi Xulian Alvares Angliyani tark etib, Ispaniyaga ko‘chib o‘tishi mumkin. Marca nashri xabariga ko‘ra, argentinalik futbolchiga Madridning "Atletiko" klubi qiziqish bildirmoqda.
“Matraschilar” argentinalik futbolchini 33 yoshli fransiyalik hujumchi Antuan Grizmanning o‘rniga futbolchi sifatida ko‘rmoqda. Madridliklar Alvaresni uzoq yillar davomida jamoa hujumining yangi yetakchisiga aylanishi mumkinligiga ishonmoqda. Uning "shaharliklar" bilan shartnomasi 2028 yilning yoziga qadar tuzilgan.
Alvares o‘tgan mavsumda APLda 36 ta o‘yinda maydonga tushdi. Hujumchi 11 ta gol va 9 ta golli uzatmani amalga oshirdi.
