Карло Анчелотти Эндрик ва Антонио Рюдигер ўртасидаги можаро ҳақидаги хабарларни рад этди.
"Реал Мадрид"нинг АҚШ бўйлаб гастрол сафаридаги машғулотида Рюдигер 18 ёшли бразилиялик билан қўпол ўйнади ва уни туртиб юборди. Шундан сўнг, Испания ОАВларида футболчилар ўртасида юзага келиши мумкин бўлган можаро ҳақида маълумотлар пайдо бўлди.
“Ҳеч нарса бўлмади, Рюдигер фақат Эндрик билан саломлашди. Мбаппе бизга қўшилса, у билан ҳам шундай қилади. Антонио ажойиб йигит”, - деди “Реал” бош мураббийи.
Ёзги турненинг илк ўртоқлик учрашувида “Реал” “Милан”га 0:1 ҳисобида имкониятни бой берди. Мавсум олди тайёргарлик доирасида мадридликлар "Барселона" ва "Челси"га қарши ҳам ўйнайди.
