Клеман Лангле "Барселона"да қолиши мумкин.
Mundo Deportivo хабарига кўра, Ханси Флик ҳимоячининг ўйини ва тажрибасини юқори баҳолайди ва уни жамоада сақлаб қолиш имкониятини истисно этмайди.
Франциялик футболчи аввалроқ немислар қўл остида “Манчестер Сити”га қарши мавсумолди ўйинида дебют қилганди.
Мураббий унинг ўйинларидан, машғулотлардаги профессионаллигидан мамнун эди. "Барса" ҳеч нарсани инкор этмайди ва Лангле бўйича қарор Фликка тегишли эканлигини таъкидламоқда.
Лангле Эрмосо кетганидан сўнг чап қанот ҳимоячиси қидираётган "Атлетико Мадрид" томонидан кўриб чиқилаётган эди.
"Реал Сосьедад" ҳам Ле Норманни сотганидан кейин ҳимоячи қидирмоқда. Бундан ташқари, Саудия Арабистони клуби Клеманга қизиқиш билдирмоқда, аммо "Барса" футболчиси Яқин Шарқнинг бир чемпионатига ўтишга қизиқмаяпти.
