Францияда бўлиб ўтаётган Олимпиада ўйинларининг эркаклар ўртасидаги футбол турнирининг биринчи ярим финал жуфтлиги маълум бўлди.

2 август, жума оқшомида чорак финал босқичида турнирнинг иккита ўйини бўлиб ўтди: Испания терма жамоаси Япония термасини мағлуб этди (3:0), Марокаш жамоаси эса АҚШ терма жамоасини ундан ҳам йирикроқ натижа билан турнирдан чиқариб юборди (4:0). Натижада ярим финалнинг биринчи жуфтлиги бизга маълум: Испания - Марокаш.

Ўйин 5 август, душанба куни бўлиб ўтади. Жума оқшомида қолган икки чорак финал ўйинларида Миср ва Парагвай ҳамда Франция ва Аргентина терма жамоалари иштирок этади. Мисрликлар ва парагвайликлар ўртасидаги ўйин аллақачон қизғин паллада, биринчи бўлим давом этмоқда.