Fransiyada bo‘lib o‘tayotgan Olimpiada o‘yinlarining erkaklar o‘rtasidagi futbol turnirining birinchi yarim final juftligi ma’lum bo‘ldi.
2 avgust, juma oqshomida chorak final bosqichida turnirning ikkita o‘yini bo‘lib o‘tdi: Ispaniya terma jamoasi Yaponiya termasini mag‘lub etdi (3:0), Marokash jamoasi esa AQSH terma jamoasini undan ham yirikroq natija bilan turnirdan chiqarib yubordi (4:0). Natijada yarim finalning birinchi juftligi bizga ma’lum: Ispaniya - Marokash.
O‘yin 5 avgust, dushanba kuni bo‘lib o‘tadi. Juma oqshomida qolgan ikki chorak final o‘yinlarida Misr va Paragvay hamda Fransiya va Argentina terma jamoalari ishtirok etadi. Misrliklar va paragvayliklar o‘rtasidagi o‘yin allaqachon qizg‘in pallada, birinchi bo‘lim davom etmoqda.
