“Лестер Сити” жамоаси ва ходимлари машғулотлар олдидан 1 август куни 60 ёшида оламдан ўтган мураббий Крейг Шекспирга ҳурмат бажо келтиришди. Бу ҳақда клуб матбуот хизмати ижтимоий тармоғида хабар берди.
"Шейки, ҳаммаси учун раҳмат. "Лестер Сити" жамоаси бугун Германиядаги машғулот олдидан бизнинг собиқ бош мураббийимиз Крейг Шекспирга ҳурмат бажо келтириш учун йиғилди" - дейилади "тулкилар"нинг расмий баёнотида.
2017 йилнинг февралидан мартигача англиялик мутахассис “Лестер” бош мураббийи вазифасини бажарувчи сифатида ишлаган. 12 март куни Крейг Шекспир "тулкилар" бош мураббийи этиб тайинланди. У бу лавозимда 2017 йилнинг октябригача ишлаган. Кейин Шекспир "Эвертон", "Уотфорд", "Астон Вилла", "Норвич" каби жамоаларда ёрдамчи мураббий сифатида ишлаган. Мутахассис 2023 йилнинг апрелидан июнига қадар “Лестер”да ёрдамчи мураббий сифатида ишлаган.
