«Бенфика» президенти Руй Кошта 19 ёшли португалиялик ярим ҳимоячи Жоау Невешнинг «ПСЖ»га ўтаётганини тасдиқлади.
«Ҳа, ҳаммаси ҳал бўлди. Жоау бизни тарк этишини билиш жуда ачинарли. У энг яхши футболчи ва ажойиб инсон. Бугун биз 70 миллион евролик шартномани рад эта олмаймиз», - деди португал клуби президенти.
Невеш «Бенфика» тарбияланувчиси ҳисобланади. 2023/2024 йилги мавсумда у клуб сафида 55 та ўйинда майдонга тушиб, 3 та гол урди ва битта голли узатмани амалга оширди.