ОКМК бугун Суперлиганинг 14-турида "Андижон" меҳмони бўлади. Чемпионат тарихига назар солсак, ушбу жамоалар иштирокидаги 25 тўқнашувда нақ 20 рефери бош ҳакамлик қилган.
Мавсумнинг биринчи даврасидаги баҳсда эса Ғайрат Жўраев иш олиб борган ва унда 0:0 ҳисоби қайд этилган.
Бу клублар ўртасида энг кўп бош ҳакамлик қилганлар сифатида Равшан Ирматов, Владислав Цейтлин, Шерзод Қосимов, Рустам Бобомуродов ва Илгиз Танташев каби номларни айтиш мумкин. Улар 2 мартадан бу жамоалар иштирокидаги ўйинларни бошқариб борган.
Бугунги учрашувда эса Рустам Лутфуллин бошчилигидаги ҳакамлар жамоаси ишлаши кўзда тутилган.
