OKMK bugun Superliganing 14-turida "Andijon" mehmoni bo‘ladi. Chempionat tarixiga nazar solsak, ushbu jamoalar ishtirokidagi 25 to‘qnashuvda naq 20 referi bosh hakamlik qilgan.
Mavsumning birinchi davrasidagi bahsda esa G‘ayrat Jo‘rayev ish olib borgan va unda 0:0 hisobi qayd etilgan.
Bu klublar o‘rtasida eng ko‘p bosh hakamlik qilganlar sifatida Ravshan Irmatov, Vladislav Seytlin, Sherzod Qosimov, Rustam Bobomurodov va Ilgiz Tantashev kabi nomlarni aytish mumkin. Ular 2 martadan bu jamoalar ishtirokidagi o‘yinlarni boshqarib borgan.
Bugungi uchrashuvda esa Rustam Lutfullin boshchiligidagi hakamlar jamoasi ishlashi ko‘zda tutilgan.
