Луи ван Гал Нидерландия терма жамоасининг ЖЧ-2022 чорак финалида Аргентинага имкониятни бой бериб, жаҳон чемпионатидан чиқиб кетгани (2:2, пен. 3:4) ҳақида гапирди.
"Мен ҳали ҳам бизга адолатсизлик қилишган деб ўйлайман. Ҳа, фактлар аниқ. Мен бу кадрни яна йигирма марта кўрсатишим мумкин ва кейин ҳамма ҳа, бу қизил карточка, дейди.
Қандай қилиб аргентиналик Леандро Паредес бизнинг захира ўриндиғимиз томон қўпол зарба бериши мумкин? Бу содир бўлмаслиги керак, тўғрими? Бу қизил карточка бўлиши керак. Агар адолат бўлганида ғалаба қозонган бўлардик", – деди Ван Гал.
