Оливье Жирунинг айтишича, Златан Ибраҳимович унга МЛСда ўйнашни тавсия қилган.
37 ёшли франциялик форвард жорий мавсумда Миландан "Лос-Анжелес"га кўчиб ўтди. Златан ҳам 2 мавсум Лос-Анжелес клубида тўп тепган.
"Мен Златан билан гаплашдим. У менга бу ерни ёқтиришимни, бу ҳужумчилар учун яхши лига эканлигини айтди.
Жамоалар ҳимояга катта эътибор бериб, устунликни сақлаб қолиш учун ўйнамайди. Улар гол уриш ва мухлисларни хурсанд қилиш учун ўйнашади.
Мен ўз тажрибам ва профессионаллигимни юзага чиқара оламан, шерикларга маслаҳат бера оламан.
Мен МЛС Европа лигаларидан фарқ қилишини тушунаман. Охирги йилларда чемпионат яхшиланди. Мен мослашишим керак бўлади, лекин мен ўз ҳиссамни қўшишга тайёрман", деди Жиру.
