Мадриднинг “Атлетико” клуби ҳужумчиси Жоау Феликс трансфер даври тугагунига қадар “Барселона”га қайтиши мумкин.
Ўтган йили "блауграна" ёзги трансфер ойнасининг сўнгги соатларида португалияликни ижарага олганди - бу сафар ҳам худди шундай бўлиши мумкин. Sport хабарига кўра, агар "Барселона" Феликсни қайтара олса, бу бир йил олдинги каби сўнгги дақиқада содир бўлади. Унгача Каталония клуби бошқа номзодлар бўйича ҳам келишувга эришишга ҳаракат қилади.
24 ёшли футболчининг "Барселона"га ўтиши мумкин бўлган трансфер тафсилотлари номаълумлигича қолмоқда. Молиявий қийинчиликлар туфайли тўлиқ трансферни амалга ошириш қийин бўлади ва қайта ижарага олиш варианти, турли манбалар бир неча бор хабар қилганидек, "Атлетико"га мос келмайди.
