Ўзбекистон кубоги чорак финалидан ўрин олган баҳсда "Навбаҳор" Жиззахда “Сўғдиёна” меҳмони бўлади.

“Навбаҳор” Ўзбекистон кубогини 3 марта – 1992, 1995 ва 1998 йилларда қўлга киритган ҳамда 1993 ва 2022 йилларда финал иштирокчисига айланиб, ҳал қилувчи баҳсда “Пахтакор” (0:3) ҳамда “Насаф” (1:2) жамоаларига имкониятни бой берган.

“Сўғдиёна” эса ҳали биллур совринни қўлга киритмаган.

Мазкур жамоалар Ўзбекистон кубоги ўйинларида ўзаро 3 марта куч синашган.

2005 йилги Ўзбекистон кубогининг 1/8 финали доирасида кечган иккита ўйин якунига кўра, наманганликлар 1/4 финалга йўл олишганди.

2022 йили эса ушбу клублар ярим финалда рўбарў келганди. Намангандаги “Марказий” стадионида бўлиб ўтган баҳснинг асосий ва 30 дақиқалик "овер-таймлар"ида ҳисоб очилмади. Натижада қоидага кўра, пенальтилар сериясига мурожаат қилинди ҳамда унда “лочинлар” 3:1 ҳисобида зафар қучиб, финал йўлланмасини қўлга киритишганди.

2005 йил, 26 май

“Сўғдиёнa” – “Нaвбaҳoр” – 2:1 (1:0)

Жиззах. 3000 томошабин.

Голлар: Рaсул Ҳaйитoв (42, 90+3-пeн.) - Ариф Мирзoев (73).

2005 йил, 4 июнь

“Нaвбaҳoр” – “Сўғдиёнa” – 3:1 (2:1)

Наманган. 8000 томошабин.

Голлар: Ислoм Инoмoв (12), Тoҳир Мaдрaҳимoв (41), Ариф Мирзoев (56) - Зoкир Бeрдиқулoв (34).

2022 йил, 14 октябрь

“Навбаҳор” – “Сўғдиёна” – 0:0 (пен.серияси: 3:1)

Орадан 2 йил ўтгач, мазкур жамоалар Ўзбекистон кубогининг чорак финалида ўзаро рўбарў келишмоқда.