Мадриднинг “Реал” клуби дарвозабони Андрей Лунин ҳали ҳам келажаги ҳақида бир қарорга келмаган. Diario AS хабарига кўра, украиналик дарвозабон ҳалигача "қироллик клуби" раҳбариятини ўз қарори ҳақида хабардор қилмаган. "Реал Мадрид" янги шартнома таклиф қилишга тайёр.
Лунин олдида янги шартнома таклифи бор, аммо украиналик футболчи Тибо Куртуа учун захира варианти бўлишни истамаяпти. Шу билан бирга, Андрей ҳали ҳам фаолиятини давом эттирмоқчи бўлган клуб топа олмади.
Қайд этилишича, Лунин "Реал"ни тарк этишга қарор қилса, "қироллик клуби" "Челси"дан яна Кепа Арризабалага ижарага олишга ҳаракат қилади. Эслатиб ўтамиз, испаниялик ўтган мавсумда Лунинга рақобатда мағлуб бўлганди.