Madridning “Real” klubi darvozaboni Andrey Lunin hali ham kelajagi haqida bir qarorga kelmagan. Diario AS xabariga ko‘ra, ukrainalik darvozabon haligacha "qirollik klubi" rahbariyatini o‘z qarori haqida xabardor qilmagan. "Real Madrid" yangi shartnoma taklif qilishga tayyor.
Lunin oldida yangi shartnoma taklifi bor, ammo ukrainalik futbolchi Tibo Kurtua uchun zaxira varianti bo‘lishni istamayapti. Shu bilan birga, Andrey hali ham faoliyatini davom ettirmoqchi bo‘lgan klub topa olmadi.
Qayd etilishicha, Lunin "Real"ni tark etishga qaror qilsa, "qirollik klubi" "Chelsi"dan yana Kepa Arrizabalaga ijaraga olishga harakat qiladi. Eslatib o‘tamiz, ispaniyalik o‘tgan mavsumda Luninga raqobatda mag‘lub bo‘lgandi.
