"Реал" бош мураббийи Карло Анчелотти ўтган мавсумда "Лос-Бланкос"да ижара асосида ўйнаган "Челси"нинг 29 ёшли дарвозабони Кепа Аррисабалаганинг эҳтимолий трансфери ҳақида гапирди.
"Биз уни қадрлаймиз. Биз уни яхши кўрамиз... лекин биз бу позицияни тўлдириб бўлдик. Кепа ўтган мавсумда жуда яхши ўйнади. Биз унга эга бўлганимиздан жуда хурсанд эдик, аммо бу мавсумда нима бўлишини билмайман", - деди Анчелотти.
Эслатиб ўтамиз, Мадрид клубида бельгиялик Тибо Куртуа ва украиналик Андрей Лунин ҳам дарвозабон сифатида ўйнайди.
Ўтган мавсумда Кепа "Реал"нинг барча турнирларда 20 та ўйинида қатнашган ва шулардан 9 тасида ўз дарвозаси дахлсизлигини сақлаб қолган. Transfermarkt порталида берилган маълумотларга кўра, футболчининг бозор қиймати 12 миллион еврони ташкил қилади.
