Польшадан келган ҳакамлар маст ҳолда полиция томонидан ушланган. Бу ҳақда TVPSPORT.PL сайти хабар бермоқда.
Манбага кўра, Бартош Ф. ва Томаш М. Чемпионлар лигаси саралаш босқичидан ўрин олган "Динамо" (Киев) – "Рейнжерс" учрашуви арафасида йўл белгисини ўғирлаган. Қайд этилишича, уларнинг қонида кўп миқдорда алкоголь маҳсулоти бўлган. Иккала ҳакам ҳам полиция томонидан ҳибсга олинган, шундан сўнг улар соғломлаштириш марказига жўнатилган, деди манба.
Айтиш жоизки, юқорида тилга олинган ҳакамлар УЕФА расмий сайтидаги қайдномаларидан ғойиб бўлган. "Динамо" ва "Рейнжерс" ўртасидаги Чемпионлар лигасининг 3-саралаш босқичининг биринчи ўйини 6 август куни Тошкент вақти билан соат 23:00да бошланади.
