"Фиорентина" "Женоа" ҳужумчиси Альберт Гудмундссонни қўлга киритишга жуда яқин турибди, дея хабар беради Жанлука Ди Марцио.

Агар илгари клуб таклифи футболчи ижараси учун 5 миллион евро + 20 миллионга сотиб олиш ҳуқуқи бўлган бўлса, энди у ижара учун 6-7 миллион еврога + 18-19 миллионга сотиб олиш ҳуқуқига оширилди.

"Женоа" янада кўпроқ пул сўрамоқда, аммо умуман олганда томонлар келишувга жуда яқин.

Ўтган мавсумда 27 ёшли исландиялик ҳужумчи 37 учрашувда 16 та гол урди ва 5 та голли узатмани амалга оширди.

Бунгача у жамоа Б Серияда ўйнаган мавсумда 38 ўйинда 14 гол ва 4 голга ассистентлик қилган.