Лондоннинг "Арсенал" клубининг украиналик ҳимоячиси Александр Зинченко ўз рақамини ўзгартирди.
Футболчи энди Седрик Соареш ёзда "Арсенал"ни тарк этганидан кейин бўшаган 17-рақам остида ўйнайди. Зинченко учун футболчининг ўзи таъкидлаганидек, 17-рақам ўзгача. У ёш футболчи сифатида айнан шу рақам остида ўйнади.
Зинченко "Арсенал"га 2022 йилнинг ёзида "Манчестер Сити"дан кўчиб ўтганди. Премьер-лиганинг ўтган мавсумида у 27та ўйинда майдонга тушиб, битта гол урди ва иккита голли узатмани амалга оширди. Шунингдек, кубок турнирларида майдонда 10 та ўйин ўтказган.
