"Милан"нинг собиқ ҳужумчиси ва спорт ва тижорат масалалари бўйича маслаҳатчиси Златан Ибраҳимович мураббийлик фаолиятини бошлаш истаги ҳақидаги саволга жавоб берди.
— Мураббий бўлишни ҳоҳлайсизми?
- Йўқ.
- Нимага йўқ?
- Оқарган сочларимни кўряпсизми? Тўлиқ кулранг сочлар мураббий сифатида ишлагандан бир ҳафта ўтгач пайдо бўлади. Мураббийнинг иш вақти кунига 12 соатгача. Мутлақо бўш вақт бўлмайди. Менинг ролим ҳамма нарсани бирлаштириш; юқоридан етакчи бўлиш ва тузилма ва ташкилот ишлаётганига ишонч ҳосил қилиш. Тонусни ушлаб туриш", - деди Ибраҳимович The Athletic билан суҳбатда.
"Милан", "Ювентус", "Интер", "ПСЖ", "Барселона" ва "Манчестер Юнайтед" клубларининг 42 ёшли собиқ ҳужумчиси Златан Ибраҳимович 2023 йилнинг июнида фаол футболчи сифатида фаолиятини якунлади. 2023 йилнинг декабрида Ибраҳимович "Милан"га эгалик қилувчи Американинг Redbird инвестиция компаниясига катта маслаҳатчи этиб тайинланган эди. Златаннинг "россонерилар" бошқарув тузилмасидаги вазифалари - ўйинчиларни ва уларни тайёрлаш усулларини ишлаб чиқиш, "Милан" бренди ва унинг тижорий манфаатларини илгари суриш.
