Лондоннинг "Арсенал" клуби "Реал Сосьедад" билан ярим ҳимоячи Микель Меринонинг трансфери бўйича музокараларни давом эттирмоқда.
Июль ойи охирида турли манбалар 28 ёшли испаниялик футболчи "канонирлар" сафига ўтишга яқин қолгани ҳақида хабар берган эди, бироқ шундан сўнг бу гаплар тўхтаб қолди. Романонинг сўзларига кўра, Лондон клуби ҳали ҳам келишувнинг баъзи тафсилотларини ҳал қилиши керак.
"Трансфер яқинлашмоқда, аммо "Арсенал" "Реал Сосьедад" билан тўлов шартлари ва бонуслар тузилиши борасида келишиб олиши керак. Музокаралар давом этмоқда. Айни пайтда оғзаки муҳокамалар давом этмоқда, расмий таклиф ҳали тушмаган”, — деди таниқли инсайдер.
