Londonning "Arsenal" klubi "Real Sosyedad" bilan yarim himoyachi Mikel Merinoning transferi bo‘yicha muzokaralarni davom ettirmoqda.
Iyul oyi oxirida turli manbalar 28 yoshli ispaniyalik futbolchi "kanonirlar" safiga o‘tishga yaqin qolgani haqida xabar bergan edi, biroq shundan so‘ng bu gaplar to‘xtab qoldi. Romanoning so‘zlariga ko‘ra, London klubi hali ham kelishuvning ba’zi tafsilotlarini hal qilishi kerak.
"Transfer yaqinlashmoqda, ammo "Arsenal" "Real Sosyedad" bilan to‘lov shartlari va bonuslar tuzilishi borasida kelishib olishi kerak. Muzokaralar davom etmoqda. Ayni paytda og‘zaki muhokamalar davom etmoqda, rasmiy taklif hali tushmagan”, — dedi taniqli insayder.
