"Ньюкасл" ярим ҳимоячиси Бруно Гимараэс ҳеч қачон жамоасини тарк этиш истагини билдирмаганлигини айтди.
Эслатиб ўтамиз, сўнгги ойларда бразилиялик футболчи янги мавсумда Чемпионлар лигасида ўйнайдиган клубга ўтишни хоҳлаётгани ҳақида хабарлар тарқалган эди.
"Мен "Ньюкасл"да жуда бахтлиман ва мен ҳеч қачон клубни тарк этишни хоҳлаётганимни айтмаганман. Мен ҳар доим ўз номимни жамоа тарихига ёзмоқчи эканлигимни айтганман. Клуб ва мухлислар учун бор кучимни беришни истайман", - деди ярим ҳимоячи.
Гимараэснинг шартномасида товон пули тахминан 130 миллион еврони ташкил қилади. Ярим ҳимоячига "Манчестер Сити" ва Лондоннинг "Арсенал" клублари қизиқиш билдираётган эди.
