"Арсенал" бош мураббийи Микель Артета жамоа билан ишлашда ноанъанавий усуллардан фойдаланади.

The Athletic нашри хабарига кўра, Артета бир марта чўнтак ўғриларини жамоавий кечки овқатга таклиф қилган. Овқатланиб бўлгач, мураббий футболчилардан чўнтакларини текширишни сўради. Маълум бўлишича, кўп одамлар қимматбаҳо буюмларини йўқотган. Шу тариқа Артета футболчиларни доимо ҳушёр бўлишга ўргатмоқчи бўлиб, жамоага сабоқ берди.

Ўтган мавсумда "Арсенал" иккинчи ўринни эгаллади. Микель Артета шогирдлари “Манчестер Сити”дан икки очкога ортда қолди. "Арсенал" 2024/2025 йилги мавсумнинг биринчи ўйинини 17 август куни "Вулверхэмптон"га қарши ўтказади.