"Arsenal" bosh murabbiyi Mikel Arteta jamoa bilan ishlashda noan’anaviy usullardan foydalanadi.
The Athletic nashri xabariga ko‘ra, Arteta bir marta cho‘ntak o‘g‘rilarini jamoaviy kechki ovqatga taklif qilgan. Ovqatlanib bo‘lgach, murabbiy futbolchilardan cho‘ntaklarini tekshirishni so‘radi. Ma’lum bo‘lishicha, ko‘p odamlar qimmatbaho buyumlarini yo‘qotgan. Shu tariqa Arteta futbolchilarni doimo hushyor bo‘lishga o‘rgatmoqchi bo‘lib, jamoaga saboq berdi.
O‘tgan mavsumda "Arsenal" ikkinchi o‘rinni egalladi. Mikel Arteta shogirdlari “Manchester Siti”dan ikki ochkoga ortda qoldi. "Arsenal" 2024/2025 yilgi mavsumning birinchi o‘yinini 17 avgust kuni "Vulverxempton"ga qarshi o‘tkazadi.
