Хосеп Мария Мингелья "Барселона" Килиан Мбаппедан воз кечиб, хато қилганини айтди.
- Етти йил олдин сиз Килиан Мбаппени "Барселона"га таклиф қилган эдингиз. Унинг "Реал Мадрид"га ўтиши сизни хавотирга солмоқдами?
- "Барселона" Мбаппени 140 миллионга сотиб олиши мумкин эди, аммо улар Дембелени афзал кўрдилар. Бундай хатоларга йўл қўйганингизда, улар учун кейинроқ товон тўлайсиз. Ўшанда мураббийлар штаби Дембелени "Барселона" тизимига кўпроқ мос деб ҳисоблаган.
"Барселона" ўтмишда шундай жиддий хатоларга йўл қўйган. Нью-Йоркда мен Уго Санчес билан келишиб олгандим, аммо "Барселона" Стив Арчибальдни афзал кўрган. Кейинги йили Санчес "Реал Мадрид"га ўтди ва улар кетма-кет беш марта чемпионликни қўлга киритишди.
Мен қўрқмайман, лекин ҳозирда "Реал Мадрид" потенциал жиҳатдан "Барселона"дан устун. Нафақат Мбаппе, балки стадион, бизнес бошқаруви, улкан ваколатга эга бўлган президент, бюджет туфайли ҳам... Мадридга етиб олиш осон бўлмайди", - дейди собиқ агент.
