Англиянинг «Тоттенхэм» клуби ҳужумчиси Ришарлисон ёзги трансфер ойнасида Саудия Арабистонига кўчиб ўтиши ва у ерда катта шартномага эга бўлиши мумкин эди. Бироқ бразилиялик Лондон жамоасида қолишни афзал кўрди. Бу ҳақда 27 ёшли Ришарлисоннинг ўзи изоҳ берди.
«Менга Саудия Арабистонидан таклиф бор эди. Лекин менинг Премьер-лигада ва Бразилия терма жамоасида ўйнаш орзум муҳимроқ. Пул катта эди, лекин менинг орзуларим бундан ҳам катта», деди Ришарлисон.
Қайд этиш жоизки, "Transfermarkt" портали мутахассислари Ришарлисонни 38 миллион еврога баҳолаган.
