29 ёшли ўнг қанот футболчиси Мариус Вольф клубини ўзгартирди. У Дортмунднинг «Боруссия» клубини тарк этди ва Германия Бундеслигасининг ўртамиёна жамоаси «Аугсбург» клуби футболчисига айланди.
Вольф янги клубига эркин агент сифатида ўтди ва уч йиллик шартнома имзолади. Вольф олти йил аввал, 2018 йилда Дортмунд клубига келганди. Ўшандан бери футболчи икки марта - «Герта» ва «Кёльн»га ижарага берилган.
Ўтган мавсум якунида «Аугсбург» Германия чемпионати турнир жадвалида 11-ўринни эгаллади. Клуб 34 турда 39 очко тўплаган.
