«Барселона» ярим ҳимоячиси Илкай Гюндоганнинг агенти Илҳан Гюндоган футболчининг келажаги ҳақидаги саволга жавоб берди.

«Илкайга баъзи клублар қизиқиш билдирмоқда, аммо унинг позицияси жуда аниқ - у «Барселона»да қолади. У янги мавсумни интиқлик билан кутмоқда ва ўз клубига ўз мақсадларига эришишда ёрдам бермоқчи», - дея агентнинг сўзларини келтиради журналист Фабрицио Романо.

33 ёшли Гюндоган ўтган ёздан бери «Барселона»да тўп сурмоқда. У Каталония жамоаси либосида 51 та ўйин ўтказиб, 5 та гол урган ва 14 та голли узатмани амалга оширган.