Марокаш терма жамоаси илк бор футбол бўйича Олимпиада ўйинларида совринга эга чиқди.
Тарик Сектиуи шогирдлари 2024 йилги Олимпиадада учинчи ўрин учун кечган баҳсда Миср терма жамоасини мағлуб этишди (6:0). Марокашлик Софьян Раими турнир давомида 8 та гол урди (охирги ўйинда 2 та) ва энг яқин таъқибчиларини 4 та гол ортда қолдирган ҳолда тўпурарлар рўйхатида пешқадамлик қилмоқда.
Марокаш жамоаси саккизинчи марта Олимпиадада иштирок этди ва тарихда илк бор медалларни қўлга киритди.
Миср терма жамоаси учинчи марта Олимпиадада тўртинчи ўринни эгаллади. У ҳеч қачон кучли учликка кирмаган.
2024 йилги Олимпиада ўйинлари Парижда бўлиб ўтмоқда.
