Вобкентда «Олмалиқ»ни қабул қилган «Бухоро» сўнгги дақиқаларда Воҳид Шодиев томонидан киритилган гол эвазига ғалаба қозонди.
Ўтган турда «Бунёдкор»ни мағлуб этиб сенсация кўрсатган Игорь Шквирин шогирдлари бу сафар меҳмонда тўп суришиб 89 дақиқа мобайнида ўз дарвозалари даҳлсизлигини сақлаб туришди. Бироқ сўнгги дақиқаларда мезбонлар тўпурари томонидан киритилган гол сабаб улар бу мавсумдаги дастлабки мағлубиятларини тан олишга мажбур бўлишди.
«Олмалиқ» расмий сайтининг ёзишича, Вобкентдаги стадионнинг ҳажми кичик бўлгани боис, тўп кўпгина ҳолларда майдон ташқарисига чиқиб кетган. Шунингдек, гол бўлган вазиятга таъриф берган «Олмалиқ» матбуот хизмати, «Гол урилган вазиятда қанот ҳаками ўйиндан ташқари ҳолатга эътибор қаратмади», дея изоҳ бериб ўтган.
ЎзПФЛ. 6-тур
БУХОРО – ОЛМАЛИҚ 1:0 (0:0)
Гол: Воҳид Шодиев (89).
«Бухоро»: 20. Сардор Қобулжонов, 2. Наоя Шибамура, 4. Дэвид Ония, 5. Георги Квесиешвили, 7. Алексей Николаев (9.Шахзод Сулайманов, 56), 8. Алишер Маҳмудов, 10. Алишер Саноев (11.Отабек Валижонов, 65), 14. Воҳид Шодиев, 17. Отабек Нарзуллаев, 21. Баҳриддин Ваҳобов, 24. Асқар Муҳиддинов.
«Олмалиқ»: 1. Мақсатмурод Шомуродов, 2. Тимур Кагиров, 5. Евгений Гоголь, 6. Акмал Рустамов, 7. Достон Абдураҳмонов, 13. Игорь Петкович, 20. Дарко Станоевич, 21. Шахбоз Эркинов (10. Мўйдин Мамазулумов, 71), 22. Санжар Шоаҳмедов (18.Самандар Шодмонов, 80), 23. Шерали Жўраев (14.Исроилжон Эргашев, 59), 24. Диёржон Туропов.
Огоҳлантириш: Жерали Жўраев (12).
Ҳакамлар: Рустам Бобомуродов, Руслан Самандаров, Обид Жумаев (барчаси Навоий шаҳридан).
Захира ҳаками: Шуҳрат Пўлатов (Тошкент).
Назоратчи: Сайфиддин Эрматов (Тошкент).
