Бу йилги мавсумни юқори кайфиятда бошлаган «Гулистон» футболчилар 6-турда «Навбаҳор» меҳмони бўлиб анча бўш футбол кўрсатишди.

Бахтиёр Ашурматов шогирдлари кутилмаганда йирик ҳисобда имкониятни бой бериб қўйишди. Наманганликлар таркибида аввалига Акрам Баҳриддинов, кейин Рўзимбой Аҳмедов ва Леонид Кошелев томонидан киритилган голларга меҳмонлар жавоб қайтариша олмади ва натижада «Навбаҳор» ишончли ғалабаси эвазига 7 очко билан 9-ўринга кўтарилди. «Гулистон» ҳисобида эса 8 очко мавжуд ва улар 8-ўринда боришмоқда.

ЎзПФЛ. 6-тур
НАВБАҲОР – ГУЛИСТОН 3:0 (1:0).
Голлар: Акрам Бахриддинов (18), Рўзимбой Аҳмедов (49), Леонид Кошелев, (59).
Ҳакамлар: С. Зайлобиддинов, Х. Мирзааҳмедов, А. Снетков, Т. Тўхтасинов.
Назоратчи: Р. Айтеков.