«Барселона» вингери Рафинья Диас Эндрикнинг танлови устидан кулди.
«Реал Мадрид»нинг 18 ёшли янги футболчиси жамоадоши Жуд Беллингемни Неймардан устун қўйди. "Barca Universal" хабарига кўра, Рафинья ўша постда ўз ватандошининг фикрини масхара қилди, изоҳларда кулги ифодаловчи кўплаб эможиларни юборди. Эътиборлиси, бу жавоб минглаб «лайк» тўплаган.
Эндрик шу ёзда «Реал»га ўтди. Бунгача форвард ўз ватанида «Палмейрас» сафида тўп сурган.
Неймар 2013 йилдан 2017 йилгача «Барселона»да ўйнаган ва ҳозир Саудия Арабистонининг «Ал-Ҳилол» жамоасига тегишли.
