Машҳур Голливуд актёри Том Круз Париждаги Олимпия ўйинларининг ёпилиш маросимида “Миссия: имконсиз” фильми услубида хавфли каскадёрлик кўринишини намойиш қилади.
62 ёшли актёр Олимпия байроғини кўтарган ҳолда "Стад де Франц" томидан арена майдонига тушади.
Бунга қадар олдиндан ёзиб олинган қисқа видео намойиш этилади, унинг давомида Круз байроқ билан самолётда Атлантика океани бўйлаб учади.
“Олимпиада ажойиб. Ажойиб ҳикоялар, ажойиб спортчилар. Спортчиларнинг мусобақаларда қилаётган ишлари ақл бовар қилмайдиган даражада, уларда муваффақият ҳисси бор”, — дея актёрнинг сўзларини келтиради The Sun.
У аввал 2004-йилда Грециянинг Афина шаҳрида бўлиб ўтган Олимпиада машъаласи эстафетаси иштирокчиси бўлган.
Париждаги Олимпия ўйинларининг ёпилиш маросими 11-август, якшанба куни бўлиб ўтади.
