Халқаро олимпия қўмитасининг (ХОҚ) коммуникациялар бўйича директори Марк Адамс 3000 м масофага тўсиқлар оша югуриш бўйича 2020 йилги Олимпиаданинг кумуш медали совриндори, жаҳон рекордчиси эфиопиялик Ламехи Гирманинг аҳволи ҳақида маълумот берди.

Париждаги Олимпиадада тўсиқлар оша югуриш мусобақасининг финалида Гирма даҳшатли тарзда йиқилиб, сўнгги тўсиқлардан бирига дош беролмай, бошининг орқа қисмига зарба қабул олди. Эфиопиялик йўлга йиқилиб, ҳушини йўқотди. У ўзи стадиондан чиқа олмади, уни шифокорлар жамоаси замбилда олиб кетишди.

"Бизда у билан ҳаммаси яхши эканлиги ҳақида маълумот бор, биз уни қўллаб-қувватлаймиз. Умид қиламизки, у яхши ва тезда тузалиб кетади. Ҳеч ким бундай воқеани кўришни ёқтирмайди", - дея Адамснинг сўзларини келтиради Le Parisien.