Ҳиндистоннинг чим устида хоккей бўйича эркаклар терма жамоаси Олимпия ўйинларида бронза медалларини қўлга киритди.
Учинчи ўрин учун баҳсда Ҳиндистон вакиллари Испания терма жамоасини 2:1 ҳисобида мағлуб этишди.
18-дақиқада испаниялик Марк Мираллес ҳисобни очди. Ҳиндистон термасининг ҳар иккала голини жамоа сардори Харманприт Сингх (30 ва 33-дақиқалар) киритди.
Қайд этиш жоиз, бу Ҳиндистон терма жамоаси учун чим устидаги хоккей бўйича рекорд даражадаги 13-Олимпиада медалидир.
Ушбу бронза медалини қўлга киритиб, Ҳиндистон саккизта олтин, битта кумуш ва учта бронза медали билан ёзги Олимпия ўйинлари тарихидаги энг муваффақиятли хоккей жамоасига айланди.
