Аҳмаджон Мусаев бошчилигидаги Ўзбекистон U-20 ёшлар терма жамоаси навбатдаги ўқув-машғулот йиғинини ўтказиш учун 20 апрель куни Португалияга жўнаб кетди.

Португалиядаги йиғин давомида Мусаев шогирдлари Португалия U-20 ёшлар терма жамоаси билан иккита ўртоқлик учрашувида майдонга тушади. Маълумот ўрнида, Португалия ёшлар терма жамоаси ҳам шу йили ёзда Туркияда бўлиб ўтадиган ёшлар ўртасидаги жаҳон чемпионати иштирокчиси саналади. 26 апрель кунигача Португалияда йиғин ўтказадиган Ўзбекистон ёшлар терма жамоаси Португалия ёшларига қарши биринчи учрашувини 23 апрель куни Гуарда шаҳрида ўтказади. Иккинчи учрашув эса Тондела шаҳрида 25 апрель куни юўлиб ўтади.

Эслатиб ўтамиз, Ўзбекистон ёшлар терма жамоаси (U-20) 15-19 апрель кунлари Тошкентда ўқув-машғулот йиғинини ўтказди. Мазкур йиғин давомида Мусаев шогирдлари Тошкентнинг «Бунёдкор» клуби ёшларига қарши назорат учрашувини ўтказиб 2:1 ҳисобида ғалаба қозонишди.

Ўзбекистон ёшлар терма жамоаси (U-20) Португалиядаги йиғинга қуйидаги таркибда йўл олди:
Дарвозабонлар: Асилбек Аманов, Акмал Турсунбоев.
Ҳимоячилар: Жавлон Мирабдуллаев, Азамат Абдуллаев, Максимильян Фомин, Тохиржон Шамсиддинов, Муҳсинжон Убайдуллаев, Сардор Рахмонов, Бобурбек Йўлдошев;
Ярим ҳимоячилар: Абдулло Олимов, Шоҳназар Норбеков, Аббосбек Махсталиев, Сардор Собирхўжаев, Сергей Рекун, Жалолиддин Машарипов;
Ҳужумчилар: Забихилло Ўринбоев, Тимур Хакимов, Абдул Азиз Юсупов.