«Манчестер Сити» ҳужумчиси Хулиан Альварес «Атлетико» бош мураббийи Диего Симеоненинг ўғли Жулиано Симеонега 2024 йилги Олимпиада вақтида Мадрид клубига ўтиши ҳақида маълум қилди, деб хабар бермоқда "Marca".

Жулиано «Атлетико»даги шериклари Науэль Молина ва Родриго Де Пауль билан биргаликда 24 ёшли Альваресга янги жамоага ўтиш учун босим ўтказди. 2024 йилги Олимпия ўйинлари ва 2024 йилги Америка кубоги вақтида аргентиналиклар Жулианни қарор қабул қилишга мажбурлаш учун у билан суҳбатлар ўтказган.

«Мен бораман, отангга айт, менга бошқа қўнғироқ қилмасин», - деб айтган Хулиан Альварес Жулиано Симеонега қарата.

Эслатиб ўтамиз, Фабрицио Романо ҳужумчининг «Атлетико»да тиббий кўрикдан ўтиши 12 август куни бўлиб ўтиши ҳақида хабар берган эди.