"Манчестер Юнайтед" ёзги трансфер даврининг сўнгги ҳафталарида тўртта трансферни режалаштирган.
"Қизил иблислар" раҳбарияти марказий ва ўнг қанот ҳимоячи позицияларини кучайтириш ниятида, ярим ҳимоячи билан шартнома имзолаш ҳам манкунианликлар учун устувор вазифа, дея хабар беради инсайдер Фабрицио Романо. Бундан ташқари, "Юнайтед" сафига янги чап қанот ҳимоячиси ёки эркин агент мақомида бўлган собиқ "Атлетико Мадрид" марказий ҳимоячиси Марио Эрмосо қўшилиши мумкин. Шундай қилиб, агар ҳаммаси режа бўйича кетса, Эрик тен Хаг жамоасида тўрт нафар янги келган бўлади.
Эслатиб ўтамиз, "Манчестер Юнайтед"нинг асосий нишонлари қаторида "Бавария"дан Маттейс де Лигт ва Нуссайр Мазрауи, шунингдек, "Бёрнли"дан Сандер Берге ва "ПСЖ"дан Мануэль Угарте ҳам бор.
