"Манчестер Сити"нинг янги футболчиси Савио жамоа билан биринчи ўйинидан сўнг ўз таассуротлари билан ўртоқлашди. 20 ёшли вингер Англия Суперкубоги учун "Манчестер Юнайтед"га қарши баҳсда дебют қилди.
Бразилиялик футболчи 63-дақиқада Жереми Доку ўрнига майдонга тушди. Учрашув 1:1 ҳисобида якунланди ва пеналтилар сериясида “шаҳарликлар” аниқроқ бўлишди – 7:6.
"Дебютимдан мамнунман. Пепга имконият учун раҳмат, мен жамоадошларимдан ҳам миннатдорман. Уларнинг ёрдами билан ўзимни майдонда қулай ҳис қила олдим ва тезда ўрнашиб олдим. Мен ғалабадан жуда хурсандман", - дейди Савио.
