“Тоттенхэм” мухлислари Харри Кейнни олқишлашди.

Англиялик ҳужумчи ўтган ёзда "Бавария"га ўтганидан кейин биринчи марта собиқ жамоаси стадионига ташриф буюрди.

Клублар “Тоттенхэм Ҳотспур” стадионида мавсумолди ўртоқлик учрашувида тўқнаш келишди. "Бавария" "шпорлар"ни 3:2 ҳисобида мағлуб этиб, Visit Malta кубогини қўлга киритди.

Англия терма жамоаси сардори 80-дақиқада майдонга тушганида ҳам, ўйин охирида ҳам олқишларга сазовор бўлди.

Эслатиб ўтамиз, Кейн собиқ жамоасини мағлубиятга учратганидан кейин кубокни кўтаришдан бош тортган эди.

Кейн 2011 йилдан 2023 йилгача "Тоттенхэм" ўйинчиси бўлган.