“Tottenxem” muxlislari Xarri Keynni olqishlashdi.
Angliyalik hujumchi o‘tgan yozda "Bavariya"ga o‘tganidan keyin birinchi marta sobiq jamoasi stadioniga tashrif buyurdi.
Klublar “Tottenxem Hotspur” stadionida mavsumoldi o‘rtoqlik uchrashuvida to‘qnash kelishdi. "Bavariya" "shporlar"ni 3:2 hisobida mag‘lub etib, Visit Malta kubogini qo‘lga kiritdi.
Angliya terma jamoasi sardori 80-daqiqada maydonga tushganida ham, o‘yin oxirida ham olqishlarga sazovor bo‘ldi.
Eslatib o‘tamiz, Keyn sobiq jamoasini mag‘lubiyatga uchratganidan keyin kubokni ko‘tarishdan bosh tortgan edi.
Keyn 2011 yildan 2023 yilgacha "Tottenxem" o‘yinchisi bo‘lgan.
