"Бавария" ҳужумчиси Харри Кейн янги бош мураббий Венсан Компани қўл остида жамоанинг ўйин услуби ҳақидаги саволларга жавоб берди.

"Компани қўл остида кўпроқ прессинг борми? Ҳа, албатта. Мен фақат бир марта машғулот ўтказдим ва атиги ўн дақиқа ["Тоттенхэм"га қарши] майдонда бўлдим ва бу ўн дақиқа мен учун оғир кечди. Лекин менга бундай шиддат ёқади, тўпни йўқотганимиздан кейин имкон қадар тезроқ уни қайтариб олишга уриниш ёқади. Шунинг учун мавсумолди тайёргарлик зарур - мураббийнинг ғояларини чинакам тушуниш ва уларни ҳаётга татбиқ этиш учун", - деди инглиз форварди.