"Bavariya" hujumchisi Xarri Keyn yangi bosh murabbiy Vensan Kompani qo‘l ostida jamoaning o‘yin uslubi haqidagi savollarga javob berdi.
"Kompani qo‘l ostida ko‘proq pressing bormi? Ha, albatta. Men faqat bir marta mashg‘ulot o‘tkazdim va atigi o‘n daqiqa ["Tottenxem"ga qarshi] maydonda bo‘ldim va bu o‘n daqiqa men uchun og‘ir kechdi. Lekin menga bunday shiddat yoqadi, to‘pni yo‘qotganimizdan keyin imkon qadar tezroq uni qaytarib olishga urinish yoqadi. Shuning uchun mavsumoldi tayyorgarlik zarur - murabbiyning g‘oyalarini chinakam tushunish va ularni hayotga tatbiq etish uchun", - dedi ingliz forvardi.
