"Манчестер Сити" ярим ҳимоячиси Бернарду Силва Англия Суперкубоги учун "Манчестер Юнайтед" билан ўйиндан кейинги пенальтилар сериясида амалга оширилмаган пенальти ҳақида гапирди.
Учрашув 1:1 (7:6) ҳисобидаги "шаҳарликлар"нинг ғалабаси билан якунланди.
"Пеп менга кейинги сафар пенальти тепмаслигимни айтди. Шу сабабли, йигитлар бу борада ташвишланишингизга ҳожат йўқ!"- деди Силва Manchester Evening News билан суҳбатда.
Силва жамоадаги биринчи зарбани амалга ошириб, пенальтини голга айлантира олмади. Ундан кейин “шаҳарликлар”нинг ҳар бир футболчиси пенальтиларни аниқ бажаришди.
Ўтган мавсумда Силва 49 ўйин ўтказиб, 11 гол урди ва 10 голга ассистентлик қилди.
