"Милан" ҳужумчиси Альваро Мората ижтимоий тармоқларида рафиқаси билан ажрашганини маълум қилди.
Испаниялик ҳужумчи 2017 йилдан бери италиялик модель Алича Кампелло билан турмуш қурган. Эр-хотиннинг тўрт фарзанди бор.
"Кўп ўйлашдан сўнг, биз йўлларимиз бир-биридан фарқ қилиши керак деган хулосага келдик. Биз 8 йил давомида бир-биримизни севиб, қўллаб-қувватлаган ажойиб муносабатларга эга эдик. Муносабатимизнинг самараси тўрт фарзанд бўлди. Биз оғриқли қарор қабул қилдик, аммо вазиятга тушунарли бўлишингизни ва турли ҳикоялар ўйлаб топмаслигингизни сўраймиз", - деб ёзди Мората ижтимоий тармоқларда.
Эслатиб ўтамиз, Мората яқинда “Атлетико”ни тарк этиб, “Милан” билан шартнома имзолаганди. Аввалроқ Альваро Италияда Туриннинг “Ювентус” клубида ўйнаган.
