"Milan" hujumchisi Alvaro Morata ijtimoiy tarmoqlarida rafiqasi bilan ajrashganini ma’lum qildi.

Ispaniyalik hujumchi 2017 yildan beri italiyalik model Alicha Kampello bilan turmush qurgan. Er-xotinning to‘rt farzandi bor.

"Ko‘p o‘ylashdan so‘ng, biz yo‘llarimiz bir-biridan farq qilishi kerak degan xulosaga keldik. Biz 8 yil davomida bir-birimizni sevib, qo‘llab-quvvatlagan ajoyib munosabatlarga ega edik. Munosabatimizning samarasi to‘rt farzand bo‘ldi. Biz og‘riqli qaror qabul qildik, ammo vaziyatga tushunarli bo‘lishingizni va turli hikoyalar o‘ylab topmasligingizni so‘raymiz", - deb yozdi Morata ijtimoiy tarmoqlarda.

Eslatib o‘tamiz, Morata yaqinda “Atletiko”ni tark etib, “Milan” bilan shartnoma imzolagandi. Avvalroq Alvaro Italiyada Turinning “Yuventus” klubida o‘ynagan.