Каталониянинг "Барселона" клуби ёзда "Атлетик Бильбао" вингери Нико Уильямсни қўлга кирита олмаслиги маълум бўлди.

Mundo Deportivo нашри хабарига кўра, "кўк-анорранглилар" муқобил вариантларни излай бошлаган. Уильямс яқинда янги мавсумдан бошлаб Бильбаонинг "Атлетик" клубида ўнинчи рақамли либосда ўйнашини эълон қилди.

Шу тариқа испаниялик футболчи ёзда жамоасини тарк этиш ниятида эмаслигини маълум қилди. "Барселона" қайси қанот ҳужумчиси билан шартнома имзолаши ҳозирча номаълум.

Аввалроқ, "кўк-анорранглилар" Уильямс учун футболчининг шартномасида товон пули сифатида кўрсатилган 58 миллион евро тўлашдан бош тортган эди.