"Катта дубулға" туркумига кирувчи турнирларнинг тўрт карра ғолиби, дунёнинг учинчи ракеткаси, испаниялик теннисчи Карлос Алькарас Париждаги Олимпиаданинг жуфтлик баҳсларида Рафаэль Надаль билан ўтган таассуротлари билан ўртоқлашди.
"Рафа билан кортдан ташқарида мулоқот қилиш ва бир-биримизни яхшироқ билиш ажойиб тажриба бўлди.
Биргаликда жуфтликда ўйнаш ажойиб эди, мен буни ҳеч қачон унутмайман. Мен ундан кортда ҳам, корт ташқарисида ҳам кўп нарсаларни ўргандим.
Турнир якуни бироз хафа қилди, чунки биз бундан ҳам яхшироқ натижа кўрсатишимиз мумкин эди, лекин умуман олганда, Рафа билан ёнма-ён ўйнашдек орзум ушалди", – деди Алькарас.
