"Katta dubulg‘a" turkumiga kiruvchi turnirlarning to‘rt karra g‘olibi, dunyoning uchinchi raketkasi, ispaniyalik tennischi Karlos Alkaras Parijdagi Olimpiadaning juftlik bahslarida Rafael Nadal bilan o‘tgan taassurotlari bilan o‘rtoqlashdi.
"Rafa bilan kortdan tashqarida muloqot qilish va bir-birimizni yaxshiroq bilish ajoyib tajriba bo‘ldi.
Birgalikda juftlikda o‘ynash ajoyib edi, men buni hech qachon unutmayman. Men undan kortda ham, kort tashqarisida ham ko‘p narsalarni o‘rgandim.
Turnir yakuni biroz xafa qildi, chunki biz bundan ham yaxshiroq natija ko‘rsatishimiz mumkin edi, lekin umuman olganda, Rafa bilan yonma-yon o‘ynashdek orzum ushaldi", – dedi Alkaras.
